Við Maggi keyptum bíl um daginn, öflugur Volvo
kaggi, árgerð 96 (Eins og á myndinni bara kóngablár). Loksins hefur
Toyotan sungið sitt síðasta, að minnsta kosti fyrir okkur... en
ætli Hákon muni ekki skrölta eitthvað um á henni þangað til að hún
gefur sig algjörlega. Volvo-inn er alveg gasalega lítið keyrður
enda var það hún amma gamla sem átti hann á undan okkur. Við
Maggi þrifum bílinn og bónuðum í vikunni og nú lítur hann alveg
svakalega vel út! Tekið skal fram að ég hef aldrei bónað Toyotuna í
þessi 5 ár sem ég hef verið á henni 
en batnandi fólki er
best að lifa...
Ég fékk gönguskó í afmælisgjöf svo nú er ég alltaf game í
gönguferðir til að venjast skónum áður en laugavegurinn verður
tekinn eftir 2 vikur.
Ég er byrjuð að læra ítölsku í frítíma mínum og markmiðið er að
geta babblað svolítið eftir 3 vikur þegar við Eyrún og Sigurlaug
förum til Sikiley.
Ciao!